دروس للمقبلين ع العرس ... الحمولة !! (فضفضة)

السلام عليكم ورحمة الله

بمااني خوش مره وبنفس الوقت خوش ام ... لي دروس بالحياة

واكثر شي تعلمته معاملة الحموله ..

طبعا موضوعي هذا اكيد انه موصحيح 100 %

ولاهو ينطبق على كل حموله

لكني توني متصفقة يمين شمال قلت اعلمكم لاتتصفقون مثلي

لكن النصيحة بوجه عام للفائدة ..

طبعا كما هو معلوم جيلنا ليس كجيل جداتنا و امهاتنااو حتى ومن سبقونا بعشرة وخمسة عشر عام
لذلك هناك من النصائح التي نأخذها من تلك الاجيال الكثير منها صحيح لكن بعضها قد لاينطبق مع حمولة هالوقت او مع هالجيل ..
عزيزتي ..

بادئ ذي بدء

كوني الصالحة البريئة التي لاتحقد

دائما حبيبتي في بداية الزواج تكنين بعض الحساسية لحمولتك هذا شي طبيعي كلنا مررنا به
لكن بعد ذلك سيبدأ التآلف بإذن الله .. بعدها حاولي ان تلتمسي لهم الاعذار لاي زلة
فهم اهل زوجك اولا واخرا ..

اقولها لك عن تجربة لتظهري لهم الجانب الطيب البريء بدون نفاق

حمواتك ليسو أخواتك

كما قلتها هذه تجاربي ..
سواليفك الي تقولينهاالخواتك مونفسها الي تسولفينها لحمولتك
اخواتك هم اخواتك فاهمينك .. اوما حمواتك قد يفهمو شيء اخر فأنتي غريبة عنهم !!
كوني لهم صديقة .. بس لاتقربينهم حيل
لأن حنا مفهوم الاخوه معناها حش بالرجل وحش وفضفضة بالي يسوى ومايسوى

بختصار نكب عفشنا .. اخواتنا ينسون بس الحمولة ماينسون

اعتبري خالتك غريبة

اقصد بذلك الاحترام .. واذا جتك حطي احسن ماعندك اكشخي والبسي الزين
طلعي فناجيل وبيالاتك الزينه ..
موب تطلعين لهم بالجلابية والبجامة .. وتقعدين معهم للصبح
قللي روحاتك مااقصد تقاطعينهم بس لاتطولين عندهم لين مايملون منك

خليها تشوف الزين فيك وتفقدك ..

خالتك ليست هي أمك

موكلما سألتك عن شي سولفتي لها .. وتفضفضين لها كنها امك
تراي سويتها وتحسفت !!
هذي للي خالاتهم ملاقيف
يعني مثلا تسأل وين سافرو اهلك وين تشتغل امك كم راتبها !!!
اختك تنخطب؟ مين خطبها !!
كنت سبهه كل شي اجاوب
بعدين حسيت اني ... وبديت ارد بكل برائة والله مدري خاله!!
يمكن ماادري .. وسوي اني جد ماادري
طبعا بعض الاسئلة عادي تجاوبين بس بعضها معليش
عيب !!
كم راتب امي .. انا ماقد سألتها عشان هي تجي تسأل
ماودي اكب العشا حيل واقولكم انها قد سألت راتب ابوك فوق العشره؟!!
لذلك يمكن انا حيل كنت معتبرتها امي الا شوي فهي مانت علي

قانون لحد يدري

هذا القانون الي محوم تسبدي قبل لااعرس والله بلاني فيه

هذا قانون عند الحمولة ينطبق عليك انتي اول وحده !!
تخطب بنتهم تسقط بنتهم يعرس ولدهم يموتون لحد يدري
ويوصون رجلك لاتدري !!!
يعتبرونك غريبة حالك من حال الناس اذا درو الناس بعدين تدرين

منتي مرة اخو ولافيك زود .. انتي بنت البطة السودا مستحيل الا ماندر يعتبرونك بنتهم

الي حمولتهم مومثلي الله يهنيهم ويوفقهم يارب

الله يعطيـك الف عافيه وتسسلم يمـــينك ..
مــــوضـــوع تسستحق الششكر عليـه ..
تحيتي ودي ..

مديرنا العزيز
أسعدني كثيرا مرورك وتعطيرك هذه الصفحه
وردك المفعم بالحب والعطاء
دمت بخيروعافيه